Нашата компанија Eurovia имаше задоволство да го угости Првиот заменик на претседателот на Владата и министерот за животна средина и просторно планирање, г. Изет Меџити, за време на неговата посета на проектот за изградба на периферниот канал во Арачиново. Овој проект има за цел да ги спречи поплавите и да ги подобри условите за живот на жителите од четири општини: Арачиново, Гази Баба, Илинден и Петровец.
Проектот опфаќа изградба и регулирање на периферниот канал со вкупна должина од 27 километри, со финансиска поддршка од 64 милиони денари од Министерството за животна средина и просторно планирање. Во моментот се реализира регулирање на дел од каналот, со цел проектот да биде завршен до јуни следната година.
Г. Меџити за време на својата посета ја истакна големата важност на овој проект за заштита на населените места и земјоделските површини од поплави, како и за подобрување на протокот на атмосферските води во општина Арачиново и пошироко. Eurovia е горда што е дел од овој важен проект кој придонесува за добросостојбата на жителите на регионот.
